“Qarabağ”ın futbolçusu Dino Ndlovu Çempionlar Liqasının bombardiləri siyahısına düşüb.
ÇL-in ikinci təsnifat mərhələsində “Samtredia” ilə ilk matçda dubla imza atan afrikalı hücumçu ən yaxşı bombardirlər siyahısında 2-5-ci pillələri bölüşdürür.
Ancaq siyahıda olan Uroş Nenadoviç (“Alaşkert”, Ermənistan), Selvi Vatnxamar (“Vikinqur Qota”, Farer adaları) 2 qolu 2 oyuna, Jorje Pereyra (“Xibernians”, Malta) isə 3 matça vurub. Onlardan fərqli olaraq isə D.Ndlovu cəmi 1 oyuna dubl edib.
Hazırda ÇL-in ən yaxşı bombardiri Skott Kuiqlidir (“Nyu Seunts”, Uels). O, 3 oyuna 3 qol vurub.
