“Dinamo”nun baş məşqçisi Ramildən danışdı
19.08.2019 , 11:40
Moskva “Dinamo”sunun klubunun baş məşqçisi Dmitri Xoxlov millimizin hücumçusu Ramil Şeydayevin “Lokomotiv”lə oyundakı çıxışını dəyərləndirib.
Korner.az-ın məlumatına görə, o ötən gün Rusiya Premyer Liqasının 6-cı turunda keçirilən Moskva derbisində 90 dəqiqə meydanda olan Şeydayevin qənaətbəxş oynadığını bildirməklə yanaşı ondan qol gözlədiyini də deyib:
“Ramil meydanda tələb olunan işi yerinə yetirir. Bəli, onda hələ hər şey alınmır, hücumçu qol vurmalıdır. Ancaq düşünürəm ki, bu da keçəcək”.
Qeyd edək ki, Moskva klubunda 5 oyuna çıxan Ramil hələ ki, yeni komandasında qol hesabını açmayıb.
