“Dinamo” Aleksandr Şovkovski ilə yollarını ayırdı – Rəsmi
28.11.2025 , 11:00
Kiyevin “Dinamo” klubu baş məşqçi Aleksandr Şovkovskini vəzifəsindən azad edib.
Korner.az xəbər verir ki, bu barədə Ukrayna klubunun rəsmi saytı məlumat yayıb.
UEFA Konfrans Liqasının 5-ci turunda Kiprdə “Omoniya”ya 0:2 hesablı məğlubiyyətdən sonra rəhbərlik belə bir qərar qəbul edib.
“Dinamo” Konfrans Liqasında keçirdiyi 4 oyunun 3-də uduzub və yalnız birində qələbə qazanıb. Komanda 3 xalla turnir cədvəlində 27-ci yerdə qərarlaşıb. Ukrayna Premyer Liqasında isə 13 turdan sonra 20 xal toplayaraq 7-ci pillədədir.
Aleksandr Şovkovski 2023-cü ilin noyabrında Mirça Luçeskunu əvəz edərək komandanın baş məşqçisi olmuşdu. Klubun əfsanəsi sayılan sabiq qapıçı 1992–2016-cı illər arasında “Dinamo” forması ilə 426 oyuna çıxmışdı. Şovkovski baş məşqçi kimi də ilk dəfə məhz “Dinamo”da işə başlamışdı.
