“Xəzər Lənkəran” Antalyadakı hazırlıq prosesi çərçivəsində bu gün ilk məşqinə çıxıb.
Korner.az-ın məlumatına görə, 1 saat davam edən komandanın məskunlaşdığı “Ela Quality Resort” otelinin təzə istifadəyə verdiyi meydançasında baş tutub.
Ənənəvi yüngül qaçışdan və isinmə hərəkətlərindən sonra futbolçularımız toplu çalışmalara keçib. Zədədən qayıdan legionerlər – Dimitrios Sialmasla Eder Bonfim qrup halında çalışmalarda iştirak etməyiblər. Belə ki, onlar digər komanda yoldaşlarından fərqli, fərdi bərpa proqramı üzrə məşq keçiblər.
