"Bakı" ilə oyunda Arda Turan və Radamel Falkaonun meydana çıxmamalarının səbəbini açıqlanıb.
Korner.az-ın məlumatına görə, Madrid klubunun baş məşqçisi Dieqo Simeone bu barədə belə deyib:
"Falkao bir neçə gün öncə “Real”a qarşı çox çətin matç keçirmişdi. Ona istirahət lazım idi. Ardaya gəlincə, yerli publika üçün nə qədər təəssüfləndirici olsa da o, hələ lazımı qədər bərpa olmayıb. Onları məhz fiziki durumlarına görə ehtiyatda saxladım”.
Xatırladaq ki, "Bakı" – "Atletiko" arasında yoldaşlıq görüşü qonaqların 3:0 hesablı qələbəsilə yekunlaşıb.
