Di Mariya “Yuventus”dan gedir
01.05.2023 , 14:20
Mövsümün sonu “Yuventus”dan ayrılmağa hazırlaşan Anxel Di Mariyanın yeni ünvanı bəlli olub.
Korner.az xəbər verir ki, “Yuventus”la yeni müqavilə imzalamaq istəməyən ulduz futbolçu karyerasının son illərini ölkəsində keçirmək istəyir.
Argentinalı oyunçu futbola başladığı “Rosario Sentral”a qayıdır.
Klub ilə 2 illik müqaviləyə razı olduğu və transferin mövsümün sonunda rəsmiləşəcəyi gözlənilir.
Anxel Di Maria bu mövsümə kimi “Yuventus”un heyətində 32 rəsmi matçda iştirak edib və bu matçların 21-də start “11-lik”də yer alıb. Ümumilikdə 1813 dəqiqə meydanda olan 35 yaşlı sağ cinah müdafiəçisi 8 qol və 7 məhsuldar ötürmə ilə hesaba təsir edib.
