Devid Hili: “Qarabağ”a qarşı oynamaq məşqçilik karyeramın ən çətin sınağı olacaq”
25.08.2019 , 19:56
Şimali İrlandiyanın “Linfild” klubunun baş məşqçisi Devid Hili “Belfast Live” nəşrinə açıqlama verib.
Korner.az xəbər verir ki, mütəxəssis “Qarabağ”la Bakıda keçirəcəkləri cavab oyunu barədə fikirlərini bildirib:
“Ciddi sınaq qarşısında olacağıq. Bakıya gedib, “Qarabağ”a qarşı oynamaq məşqçilik karyeramın ən çətin sınağı olacaq. Tribunalarda 30-35 miin azarkeşin olacağını və düşmən atmosferin reallaşacağını xəyal edirəm. Bizim qanımızı içmək istəyəcəklər. Bu, yaxşıdır, oynamaq üçün səbəbimiz var, ümid edirəm ki, nəticə qazanarıq. Lakin “Qarabağ”dan böyük gözlənti var və favorit onlar olacaq. Qrup mərhələsinə vəsiqə qazanmağın nə qədər çətin olduğunu anlayırıq. Hər biriniz gördünüz ki, “Qarabağ” necə yaxşı komandadır. Əlbəttə, ilk oyundakından daha yaxşı olmaq məcburiyyətindəyik. Fasilədə sonra 2:1 hesabı ilə üstün olduğumuz üçün şokda idim. Ancaq topu doğru yerlərə göndərsəniz, hər zaman qol vurmaq fürsətiniz olur. Futbolçularım mükafata layiqdir, çünki “Qarabağ” kimi komandanı məğlub etmək inanılmazdır”.
