“Barselona”nın zədəli futbolçusu Usman Dembele gözləniləndən tez yaşıl meydanlara qayıdacaq.
Kataloniya klubunun tibbi heyəti 20 yaşlı hücumçunun bu mövsümün ilk “El-Klassiko”suna kimi hazır olacağını məşqçi heyətinə bildirib.
Ancaq “Barsa”nın baş məşqçisi Ernesto Valverde Dembelenin oynamasının riskli olacağını hesab etsə, ona “Real”a qarşı görüşdə şans verməyəcəyi vurğulanıb.
Qeyd edək ki, 17-ci turun “Real” – “Barselona” oyunu dekabrın 23-ü keçiriləcək.
