“İlk növbədə azarkeşlərimizə təşəkkürümü bildirirəm. Komandamızı sona qədər dəstəklədilər. Komandamız yeni yaranıb. Bu günə kimi heç bir belə rəqibə qarşı baxımlı oyun sərgiləyə bilməmişdi. Bunu bizim komanda etdi.Buna görə futbolçularıma təşəkkür edirəm. Gümüş medal uğrunda mübarizəni davam etdiririk”.
Korner.az-ın məlumatına görə, bu sözləri “Zirə”nin baş məşqçisi Adil Şükürov Topaz Premyer Liqanın 32-ci turunun “Qarabağ”a qarşı oyunundan (0:2) sonra deyib.
– “Zirə”nin cari mövsüm “Qarabağ”la oyunu alınmır…
– Deməzdim ki, bizim “Qarabağ”la oyunumuz alınmır. Sadəcə, bəzi futbolçularımızda ustalıq səviyyəsi çatmır.
– Bonillanı əvəzləməyinizə səbəb nə idi? Bir də o, komandada qalacaq?
– Bonilyanın yorulduğunu hiss edib əvəzetmə etdim. Hücumda daha çox aqressiv olmaq istəyirdik. Bonillanın gələcək karyerası ilə bağlı danışıb qərar verəcəyik.
– “Qarabağ” bütün epizodlarda sizi üstələdi. Azərbaycan çempionatının səviyyəsinin aşağı düşdüyünü düşünmürsünüz?
– Yox, çempionatın səviyyəsi aşağı düşməyib. Sadəcə, bəzi futbolçularda ustalıq səviyyəsi çatmır. Bu, başqa ölkələrdə də belədir. (qol.az)
