Debütündə qol vuran 4-cü
03.02.2020 , 17:52
Ağabala Ramazanov “Zirə”dəki debüt oyununda qol hesabını açıb.
Korner.az xəbər verir ki, hücumçu Azərbaycan Premyer Liqasının 15-ci turunun “Sabah”la görüşündə (2:0) bunu gerçəkləşdirib.
O, 45+1-ci dəqiqədə qonaqların qapısına yol tapıb. Ağabala klub tarixinə Premyer Liqada qol vuran 41-ci oyunçu kimi düşüb. Ona qədər 40 futbolçu rəqib qapısından top keçirmişdi.
Ramazanov “Zirə”nin heyətində Premyer Liqadakı debüt matçında qol hesabını açan 4-cü futbolçudu. “Sabah”la qarşılaşmaya qədər qol sevinci yaşayan 40 oyunçudan yalnız üçü ilk qarşılaşmada fərqlənmişdi. 2015-ci ildə Viktor İqbekoyi AZAL-la ev (1:0), 2018-ci ildə Aleksandr Dedov “Qəbələ”ylə səfər (1:2), Pərdis Fərcad-Azad “Keşlə”ylə ev (2:2) görüşündə buna nail olub.
