De Byazi: “Portuqaliyaya qarşı 120 faiz güc qoymalısan”
06.09.2021 , 19:55
DÇ-2022-nin seçmə mərhələsində keçiriləcək Azərbaycan – Portuqaliya oyunu öncəsi mətbuat konfransında millimizin baş məşqçisi Canni De Byazi jurnalistlərin suallarını cavablandırdı.
– Heyətdə dəyişikliklər olacaq?
– Maksim Medvedev və Rüstəm Əhmədzadə zədəli, Anton Krivotsyuk isə cəzalıdı. Təxminən Dublindəki heyət olacaq. 1-2 dəyişiklik edəcəyik.
– Rəqib favoritdi. 1 xala ümid edə bilərikmi?
– Ümid sonda ölür. Ancaq biz faklara fikir verməliyik. Reytinqdə 47-ci yerdə gedən komandaya qarşı oynadıq və əla çıxış etdik. Bizə lazım olan intensivliyi sona qədər qorumaqdı. Ritmimizi qaldırmalıyıq.
– Lüksemburqa qarşı meydana buraxdığınız heyət anlaşılmadı və tənqid olundu. Dublində optimal heyətlə çıxış etdiz. Buna aydınlıq gətirərdiz…
– Bu sualın cavabı çox sadədi. Ayın 25-dən bir qrup futbolçu ilə məşq edirdik. Xaricdə olan oyunçularımız ayın 30-da gəlmişdi. Onlarla cəmi bir məşq etmişdik. Buna görə belə qərar verdik ki, həmin ikinci hisssəyə saxlayaq və oyunu dəyişib qələbə qazanaq. Oyunda ümumən standartlarımızdan aşağı çıxış etdik. Ancaq ikinci yarıdakı oyuna görə düşünürəm ki, ən azı heç-heçə edə bilərdik.
– Qrupda əsas rəqiblərimiz Lüksemburq və İrlandiyadı. Onlara qarşı iki matçda 1 xal əldə edilməsi sizi sevindirir, yoxsa üzür?
– Bundan razı qalmaq olmaz. Ancaq ona baxmaq lazımdı ki, bir hansı qrupdayıq. Reytinqə görə 5-ciyik. Buna fikir vermirik. Bütün matçlarda mübarizə aparmalıyıq. Mdiada çıxan müsahibəmdəki anlaşılmazlıq barədə danışmaq istəyirəm. Demişəm ki, Portuqaliya və Serbiya ilk iki yer uğrunda yarışacaq. Biz isə İrlandiya və Lüksemburqla 3-cülük mübarizəsi aparacağıq. 1 ildi çalışırıq. Bu da ağır pandemiya dövrünə düşdü. Amma bu, bəhanə olmamalıdı. Federasiya ilə birlikdə gələcək üçün yaxşı layihə hazırlaya bilərik. Mən burda olsam da, olmasam inkişaf etmək olar.
– Rəqibin heyətində Kriştiano Ronaldo oynamayacaq. Bu, daha yaxşı nəticəyə ümidinizi artırır?
– Ronaldo çox böyük oyunçudu. Ancaq Portuqaliyanın heyətində çoxlu böyük futbolçular var. Oyunçu baxımından problemləri yoxdu. Həyatda və futbolda hər an hər şey ola bilər. Bir məqamı demək istəyirəm, rəqibin baş məşqçisi Fernandu Santuş hələ də mənim hədiyyəmi gətirməyib O, ora mənim sayəmdə təyin olunub. Biz 2014-cü ildə Portuqlaiyaya qalib gəldikdən sonra Santuş Portuqlaiyanın baş məşqçisi oldu. Bundan sonra onlar məğlubiyyətsiz Avropa çempionluğunu qazandılar. Ümid edirəm ki, sabah uduzacaq. Ondan sonra qrupda 1-ci ola bilərlər. Təbii ki, bu zaraftdı.
– Sizə qədər Emin Mahmudov yığmada şans qazanmırdı, ancaq indi əla performans göstərir. Maraqlıdı, onu necə kökləyirsiz və hazırkı millinin lideri sayırsızmı?
– 1 il bundan öncə Emini o qədər də yaxşı tanımırdım. Daha əvvəl aramızda anlaşılmazlıqlar var idi. İlk növbədə insani keyfiyyətlərə fikir verirəm, sonra futbolçu bacarıqlarına. Bir axşam onu nəsə içməyə çağırdım. Təbii ki, spirtli yox. Məni çox təəccübləndirdi. Hazırda ən vacib futbolçularımızdandı. Ürəklə, qorxmadan mübarizə aparır. Çox istərdim ki, digər futbolçular da ondan nümunə götürsünlər. Portuqaliya kimi rəqibə qarşı 120 faiz gücünü qoymalısan.
– İrlandiya ilə matçdan sonra qapımıza vurulan qol zamanı topun yan xətdən çıxdığını demişdiz. Bununla əlaqədar hakimlərdən şikayət oldumu?
– Heç kimlə əlaqə saxlamadıq. Matçdan sonra bu barədə dnaışmağın mənası yoxdu. Hamımız narahatıq ki, qələbəni son dəqiqədə əldən verdik. Qələbə komandaya çox kömək ola bilərdi. Sabah iki əsas heyət üzvümüz oynaya bilməyəcək. vaxtımız azdı. Bir yerdə daha çox oynamalıyıq. 7 gündə 3-cü oyunumuza çıxacağıq. Yaxşı nəticə üçün əlimizdən gələni edəcəyik. İrıandiyaya qarşı bir epizoda baxın. rüstəm Əhmdzadə ağır zədə aldı, demək olar ki, 1 ayaqla oynayırdı, ancaq son dəqiqələrdə belə müarizə aparırdı. Bütün 23 futbolçumuzda həmin əzmkarlıq olsa, görərsiz ki, çox az uduzacağıq.(futbolpress.az)
