Rusiya Dövlət Dumasının deputatları hökumətin təqdim etdiyi “Rusiya Federasiyasında futbol üzrə 2012-ci ildə keçiriləcək dünya çempionatı və 2017-ci ildə keçiriləcək Konfederasiyalar Kuboku yarışlarına hazırlıq və təşkilatçılıq haqqında” Qanunun layihəsinə baxış keçiriblər.
Korner.az-ın Rusiya mətbuatına istinadən məlumatına görə, layihədə nəzərdə tutulmuş əsas məsələlərdən biri də azarkeşlərin müxtəlif şəhərlərdən oyunlara aparılması üçün büdcədən kompensasiyanın ayrılmasıdı.
Qanun layihəsinin maliyyə əsaslandırılmasında DÇ-2018-in oyunlarına 1 milyon 495 min 872, Konfederasiyalar kubokunun oyunlarına isə daha 373 min 972 azarkeşin aparılacağı qeyd edilib. Fanatların matçlara aparılması federal büdcədən (uzun məsafələr üçün qatar biletləri) və bölgələrin büdcəsi (şəhərətrafı qatar və avtobus biletləri) hesabına maliyyələşdiriləcək.
Təxmini hesablamalara görə, bu kimi işlərin həyata keçirilməsi üçün 5,5 milyard rubl (təxminən 184 milyon ABŞ doları) xərclənəcək.
