DÇ-2018: Hansı klubdan neçə oyunçu qalıb?
09.07.2018 , 10:04
Rusiyada keçirilən dünya çempionatında ən çox futbolçu ilə təmsil olunan klub “Tottenhem”di. Yarımfinal mərhələsində yer alan komandaların heyətində London təmsilçisinin 9 nümayəndəsi var.
“Tottenhem”i 7 futbolçu ilə “Mançester Siti” və “Mançester Yunayted” izləyir. Növbəti sırada da Premyer Liqa təmsilçisi qərarlaşıb – “Çelsi” (5 oyunçu). PSJ, “Barselona”, “Monako” və “Liverpul”un isə 4 futbolçusu mundialda mübarizəni davam etdirir.
Yarımfinaldakı futbolçuların çoxu İngiltərə Premyer Liqasında çıxış edir. Karyerasını Premyer Liqada davam etdirən 40 oyunçu dünya çempionu olmaq ümidini davam etdirir. İlk “üçlük”dəki digər çempionatlar hərəyə 12 oyunçu ilə İspaniya La Liqası və Fransa Liqa 1-di.
Almaniya Bundesliqası 9, İtaliya A seriyası isə 8 nəfərlə təmsil olunur. Bundan başqa, Belçika, Çin, Xorvatiya (hamısı 2), Rusiya, Ukrayna, Şotlandiya, Türkiyə və Avstriya (hamısı 1) çempionatının da nümayəndəsi yoluna davam edir.
