“Barselona”nın keçmiş futbolçusu David Vilya komandanı tərk etməsinin səbəbini açıqlayıb.
Korner.az-ın məlumatına görə, hazırda “Nyu-York Siti”nin şərəfini qoruyan futbolçu “Barsa”da oyun təcrübəsinin azlığından əziyyət çəkdiyini deyib.
O, əsas heyətdə yerini itirdiyinə görə komandanı tərk etdiyini bildirib:
“Əsas heyətdə yerimi itirmişdim. Ona görə də “Barsa”nı tərk etmək barədə qərar qəbul etdim. Həmişə realist olmağa çalışmışam. Xüsusən də harda olduğum və hara gedə biləcəyim məsələlərlə bağlı.
Məşqçilər korpusunun qərarına əsasən, meydanda çox ola bilmirdim. “Barselona”da qalmaq, titullar qazanmaq asan yol olardı. Ancaq mən oynamaq istəyirdim”
