“Daha nə etməliyəm ki, “Qızıl top”u qazanım?” – Qrizmann
04.12.2018 , 12:25
“Məyus deyiləm. Fəxr edirəm ki, səhnəyə dünya çempionu kimi çıxdım. Ümid edirəm ki, gələcəkdə Modriçin uğurunu millidə və ya klubumda komanda yoldaşım olan bir futbolçu təkrarlayacaq”.
Bu sözləri “Atletiko”nun hücumçusu Antuan Qrizmann “goal.com”a açıqlamasında deyib.
“Real”ın futbolçusu Luka Modriçin qazandığı “Qızıl top” mükafatının sıralamasında 3-cü olan Fransa millisinin üzvü birinci olmaq üçün hər şey etdiyini xatırladıb: “Mən 2018-ci ildə dünya çempionatının və Avropa Liqasının qalibi olmuşam. Daha nə etməliyəm ki, “Qızıl top”u qazanım?”
Xatırladaq ki, Qrizmann bu il üç titul qazanıb – dünya çempionatı, Avropa Liqası və UEFA Superkuboku.
