Ukraynalı məşqçi Yuri Maksimov yaxın günlərdə Azərbaycanın futbol komandalarından birinə rəhbərlik edə bilər
48 yaşlı mütəxəssis hazırda Bakıdadır və onun klublardan birinin baş məşqçi postuna gəlməsi ehtimallar arasındadır. Lakin bu klubunun hansı olacağı hələlik məlum deyil.
Qeyd edək ki, Yuri Maksimov əvvəllər Ukraynanın “Dnepr”, “Dinamo” (Kiyev), Almaniyanın “Verder” kimi komandalarında çıxış edib. O, 2005-ci ildə Belarusun “Dinamo” (Minsk) klubunda baş məşqçi karyerasına başlayıb. 2006 – 2013-cü illərdə Ukraynanın MOİK (Kiyev), “Obolon”, “Krivbass”, “Metallurq” (Donetsk) və “Mordoviya” komandalarının baş məşqçisi olmuş Maksimovun son komandası ötən mövsüm rəhbərlik etdiyi Qazaxıstan “Taraz”ı olub. Ukraynalı mütəxəssis 2013-2014 mövsümündə “Mordoviya”nı Rusiya I Divizionunun qalibi edərək, Premyer Liqaya çıxarıb.
