FİFA prezidentliyinə daha bir namizəd geri addım atıb.
Korner.az-ın məlumatına görə, bu dəfə FİFA baş katibinin sabiq müavini Jerom Şampan namizədliyini geri götürüb.
56 yaşlı Şampanın geri çəkilməsinin səbəbi 5 futbol federasiyasından dəstək ala bilməməsidir.
Xatırladaq ki, bundan əvvəl Fransa millisinin sabiq hücumçusu David Jinola və futbol agenti Mino Rayola namizədliklərini geri götürmüşdü.
Beləliklə, mayın 29-da keçiriləcək prezident seçkilərində 4 nəfər – hazırkı FİFA başqanı Yozef Blatter, İordaniya şahzadəsi Əli ibn əl-Hüseyn, Niderland Futbol Federasiyasının prezidenti Mihael van Praq və Portuqaliya yığmasının sabiq üzvü Luiş Fiqu mübarizə aparacaq.