“Daha bir il burada olacağıma görə xoşbəxtəm”
24.03.2023 , 21:17
“Turan Tovuz” kapitanı Şəhriyar Əliyevin müqaviləsini 2024-cü ilin yayına kimi uzadıb.
Korner.az xəbər verir ki, 30 yaşlı müdafiəçi klubun mətbuat xidmətinə açıqlama verib. Təcrübəli futbolçu Tovuz təmsilçisində qaldığına görə xoşbəxt olduğunu deyib:
“Peşəkar rəhbərlik və baş məşqçi, eləcə də komanda ilə nəfəs alan azarkeş amilinə görə buraya ilk gəldiyimdə də tərəddüd etməmişdim. Fikrimcə qısa müddət ərzində özümüz haqda müsbət fikir formalaşdıra bilmişik. Mövsümün sonuna hələ xeyli oyun var, mümkün qədər çox xal toplamağa çalışacağıq. Kubokda da mübarizəmizi davam etdiririk. Daha bir il burada olacağıma görə xoşbəxtəm. Ümid edirəm ki, çıxışımızla azarkeşlərimizi sevindirəcəyik və uzun müddət bu formanı geyinmək, bu forma altında uğurlar qazanmaq mənə nəsib olacaq”.
