Vaxtilə ölkəmizi UEFA İntertoto kubokunda təmsil etmiş, UEFA kubokunda ilk mərhələ adlayan, sonralar maddi problemlər ucbatından yüksək dəstədəki yerini itirən “Karvan”ın indi hətta I divizionda yarışıb-yarışmayacağı və ümumiyyətlə, fəaliyyətini davam etdirib-etdirməyəcəyi müzakirə olunur.
Komandanın sabiq futbolçusu və hazırkı məşqçisi Kənan Kərimov Korner.az-a açıqlamasında bu məlumatı təsdiqləyib. Kərimov hazırda komandada heç bir futbolçunun olmadığını deyib: “Klub rəhbəri Şahmar Vəliyev ölkə xaricində olduğundan, onunla əlaqə yarada bilmirəm. I divizionun yeni mövsümünün başlanmasına az qalıb. Ancaq hələ də oynayıb-oynamayacağımız bəlli deyil”.
