“Qalatasaray”ın baş məşqçi postuna yenicə təyin olunan Mustafa Dənizli Floryaya gələrək media nümayəndələrinə açıqlama verib.
Korner.az-ın məlumatına görə, Həmzəoğlunun gedişinin ardından “Antalyaspor”la matça Kladio Taffarellə çıxan “Qalatasaray”da prezident Dursun Özbək və Dənizli Floryada görüşüblər.
İkili şəkildə söhbətləşdikdən sonra Dursun Özbək sözü yeni baş məşqçi Dənizliyə verib:
“Klub rəhbərləri ilə iclas keçirəcəm.Bu zamana qədər klubdaxili nə baş veribsə xəbərdar olmalıyam. Əvəzedici heyətlə də tanış olmaq lazımdı”
“Səlcuq, Burak və Karolun cəzalı olduğu barədə məlumatım yox idi. Onlarla da oturub söhbət etdik. Xoş söhbət oldu mənim üçün. Əvvəl işlədiyim vaxtlarda burada olan dostlarım hazırda yoxdu. Komanda barədə yetərincə məlumat toplaya bilsəm, İspaniyadakı matçı izləməyə gedə bilərəm”
“Fikrimcə, köməkçilər mövzusunda tələsməyə dəyməz. Əvvəl bir yerdə işlədiyim Stefano Marone ilə görüşməyi düşünürəm. Mümkün olarsa, yenidən onunla işləmək istəyirəm. Ancaq, hər şeydən əvvəl oyunçularla birbaşa təmasda olmaq lazımdı. Hər şeyi öz yoluna qoyandan sonra köməkçi barədə qərarımı verəcəm”
“Klubla bağlı prezidentə heç bir şey demədim. Ağlımda çox sual var, ancaq hələ tezdi. Fikirlərimi bölüşməyi sevirəm. Komandadakı vəziyyəti görəndən sonra lazım olanı deyəcəm”.
