Çumbinyo Azərbaycana qayıdır
28.01.2019 , 14:55
Mövsümün ikinci yarısına hazırlaşan “Səbail” transfer çalışmalarını davam etdirir.
Korner.az futbolinfo.az-a istinadən xəbər verir ki, sabiq “Rəvan”lı Oke Okpaveta ilə anlaşan Bayıl təmsilçisi Azərbaycanda oynamış daha bir legioneri heyətə qata bilər.
Bu, sabiq “Qarabağ”lı Çumbinyodu. Braziliyalı yarımmüdafiəçi ilə danışıqlar davam edir. Onun “Səbail”ə keçib-keçməyəcəyinə yaxın günlərdə aydınlıq gələcək. Amma keçidin reallaşması daha çox ehtimal edilir.
Qeyd edək ki, Çumbinyo 2013/2015-ci illərdə “Qarabağ”ın şərəfini qoruyub. 32 yaşlı futblçu Ağdam klubunun heyətində keçirdiyi 46 oyunda 11 qolun müəllifi olub. Əsasən Braziliya və Yunanıstan klublarında oynamış yarımmüdafiəçi Ağdam klubundan “Atromitos”a yollanmışdı. Son 2 ili isə o, “Levadiakos”da keçirib.
