Coşua Zirkze “Mançester Yunayted”dən ayrılmaq istəyir
03.11.2025 , 15:26
“Mançester Yunayted”in hücumçusu Coşua Zirkze qışda komandadan ayrılmağa hazırlaşır.
Korner.az-ın “Sky Sports”a istinadən xəbər verir ki, niderlandlı futbolçu az oynadığı üçün narazılığını gizlətmir. O, cari mövsümdə cəmi 90 dəqiqə meydanda olub.
Zirkze agentinə başqa komandaya icarəyə keçid üçün danışıqlara başlamağı tapşırıb. İtaliya təmsilçilərindən biri olan “Roma”nın artıq futbolçu ilə maraqlandığı və “Mançester Yunayted”lə ilkin əlaqə yaratdığı bildirilir.
24 yaşlı forvard 2024-cü ilin yayında “qırmızı şeytanlar”ın heyətinə qoşulub. O, indiyə qədər klubun formasında 54 oyuna çıxıb, 7 qol vurub və 3 məhsuldar ötürmə müəllifi olub.
