“Bu gün çox yaxşı oynadıq. Futbolçular verilən tapşırıqları yerinə yetirdilər. Rəşad Eyyubovu 3 qol vurması münasibəti ilə təbrik edirəm. İlk hissədə top itirsə də, sonradan het-trik edib yaxşı hücumçu olduğunu nümayiş etdirdi. Azarkeşin istəyi çox qol görməkdir. Biz də bunun üçün çalışdıq”.
Korner.az-ın PFL-in saytına istinadən yaydığı məlumata görə, bu sözləri “Simurq”un baş məşqçisi Georgi Çixradze Azərbaycan Premyer Liqasının 9-cu turunda “Araz Naxçıvan”a qalib gəldikləri oyundan (4:0) sonra deyib.
“Çempionatda bütün rəqiblər güclüdür. Biz bu oyunu unudub, qarşıdakı matçlara hazırlaşmalıyıq” – deyə o bildirib.
