Çinin iki klubu – “Quançjou Everqrand” və Szyansu Sunin” Ukrayna təmsilçisi “Şaxtyor”un formasını geyinən Aleks Teyşeyraya fantastik məbləğ təklif edib.
Korner.az-ın məlumatına görə, hər iki klub 26 yaşlı braziliyalı yarımmüdafiəçinin transferinə 50 milyon avro xərcləməyə hazır olduğunu bildirib.
Qeyd edək ki, bir müddət əvvəl “Liverpul” da Teyşeyranı almaq üçün “Şaxtyor”a 34 milyon avto təklif etmiş, ancaq rədd cavabı almışdı. Donetsk klubunun baş direktoru Sergey Palkin mətbuata açıqlamasında Aleksin transfer qiymətinin 70 milyon olduğunu və onu qış transfer dönəmində satmaq fikrində olmadıqlarını bildirmişdi.
