Braziliya millisinin sabiq üzvü, “Real” (Madrid) və “Roma” kimi nəhəng klubların şərəfini qorumuş Çiçinyo alkoqollu içkilərə və siqaret aludəçiliyindən danışıb.
Korner.az-ın məlumatına görə, o, durmadan içdiyini və siqaret çəkdiyini deyib.
“Bir-iki stəkan içməklə kifayətlənə bilmirdim. Hamı deyirdi ki, belə davam etsən, öləcəksən. Bir dəfə 18 stəkan kaypirinya (Braziliyada məşhur alkoqollu kokteyl) və 14 bakal pivə içdikdən sonra İsa Məsihi gördüm. Məşqdən çıxırdıq, bilirdim ki, bazar günü oynamayacağam, evə gedən kimi içir və siqaret çəkirdim. Evdə həmişə pivə və başqa alkoqollu içki ehtiyatım olurdu. Ya tək içirdim, ya da “dostlar”ımla. Gecə klublarına getməyi xoşlayırdım, içirdim və heç cür dayana bilmirdim. Heç vaxt narkotik qəbul etməmişəm, çünki dopinq-testdə “ilişə” bilərdim. Yoxsa narkotik də qəbul edərdim”, – deyə Çiçinyo bildirib.
Qeyd edək ki, 36 yaşlı məşhur müdafiəçinin sonuncu klubu Türkiyənin “Sivasspor” klubu olub.
