“UltraNeftçi” fan klubunun rəhbəri Ceyhun Əzizlinin Korner.az-a müsahibəsi
– Ceyhun "Neftçi" sabah ÇL-də cavab oyununa çıxır. İlk görüşdə qeydə alınan böyükhesablı məğlubiyyətdən (0:4) sonra cavab oyununda səncə hansı nəticə əldə etmək olar?
Sözün düzü səfərdə belə məğlub olacağımızı gözləmirdim. Daha doğrusu məğlub olacağımızı gözləmirdim. Ancaq çox təəssüf olsun ki, məğlub olduq.
– Səncə bu məğlubiyyətdə sonra azarkeşlər "Neftçi"dən küsməz?
Bu gün Azərbaycanı Avropada təmsil edən yeganə komanda "Neftçi"di. Bizim hələ qabaqda çoxlu oyunlarımız var və dünyanın ən güclü komandalarından birini Bakıya gətirə bilərik. Kim belə komandadan küsər?
– 0:4 hesablı məğlubiyyətdən sonra sabah "Dalğa Arena"ya azarkeş sayının azala bilmə ehtimalı sizi narahat etmir?
Təbii ki, edir. Azərbaycanda azarkeşlər komandaya çətin vəziyyətdə sahib çıxmırlar. Lakin mən çox istəyirəm ki, belə çətin vəziyyətdə komandanın yanında olaq, ona dəstək verək. Yaxşı gündə onsuz hamı gəlir.
– PFL-ə prezident seçkilərindən öncə və sonrada "facebook" sosial şəbəkəsində Ramin Musayev əleyhinə fikirlər səsləndirərək onun istefaya səsləyirin. R.Musayevin istefasını bu qədər çox istəməyinin səbəbi nədi?
Ramin Musayevi seçmirlər, təyin edirlər. PFL ümumiyyətlə işini yerinə yetirə bilmir. Bizə belə bir qrum lazım deyil. PFL-i yaradıblar ki, Ramin Musayev işləsin. Ramin Musayev hər səhər, günorta, axşam "Neftçi"nin pis olmasını istəyir.
– Səbəb?
Paxıllıq. Ramin Musayev "Neftçi"yə paxıllıq edir.
– Sonda azarkeşlərə sözün?
Bütün “Neftçi” azarkeşlərini sabahkı oyunda stadiona dəvət edirəm. Gəlin komandamıza dəstək olaq.
Səxavət QURBANOV
