Ceremi Frimpong zədələndi
30.10.2025 , 19:57
“Liverpul”un sağ cinah müdafiəçisi Ceremi Frimpong zədə səbəbindən bir müddət komandaya kömək edə bilməyəcək.
Korner.az xəbər verir ki, bu barədə “talkSPORT” məlumat yayıb.
24 yaşlı niderlandlı futbolçu Çempionlar Liqasında “Ayntraxt”la keçirilən (5:1) oyunda bud əzələsinin arxa hissəsini zədələyib. Bu səbəbdən Frimpong təxminən 6 həftə meydanlardan kənarda qalacaq.
Cari mövsümdə müdafiəçi “Liverpul”un heyətində 9 oyuna çıxaraq 1 qol vurub.
Qeyd edək ki, “Liverpul” Çempionlar Liqasında “Qarabağ”ın rəqibidir. Komandalar arasındakı görüş yanvarın 29-da İngiltərədə baş tutacaq.
