“Cenoa”nın yeni baş məşqçisi bəlli oldu
03.11.2025 , 22:15
İtaliyanın “Cenoa” klubunda baş məşqçi dəyişikliyi gözlənilir.
Korner.az xarici KİV-ə istinadən xəbər verir ki, A Seriyası təmsilçisi Daniele De Rossi ilə razılığa gəlib.
48 yaşlı mütəxəssis “Boka Xuniors” və “River Pleyt” arasında keçiriləcək qarşılaşmanı izləmək üçün nəzərdə tutduğu Argentinaya səfərini ləğv edib. De Rossinin “Cenoa”ya baş məşqçi kimi təyinatının yaxın vaxtlarda rəsmiləşəcəyi bildirilir.
Qeyd edək ki, klub ötən həftə Patrik Vieyra ilə yollarını ayırıb. De Rossinin son iş yeri “Roma” olub.
