Avrokuboklar

Çempionlar Liqası və Avropa Liqasını “İdman Azərbaycan” yayımlamayacaq!

07.08.2018 , 20:50

“CBC Sport” telekanalı 4 mühüm yarışın teleyayım hüququna yiyələnib. Bunlar Çempionlar Liqası, Avropa Liqası, UEFA Millətlər Liqası və İspaniya La Liqasıdır.

Bundan başqa, telekanal avqustun 15-də Estoniyanın paytaxtı Tallində İspaniyanın “Real Madrid” və “Atletiko” komandaları arasında keçiriləcək UEFA Super Kuboku uğrunda görüşü də yayımlayacaq. Müqavilə 2018-2019 mövsümündən qüvvəyə minəcək.

Ötən mövsüm telekanalda yayımlanan İstaliya A Seriyasından isə imtina edilib.  Bu çempionatın oyunları “İdman Azərbaycan” və AzTV vasitəsi ilə futbolsevərlərə təqdim olunacaq.

Qeyd edək ki, bunadək avrokubokların qrup mərhələsinin oyunları və La Liqanı “İdman Azərbaycan” yayımlayıb. Millətlər Liqası isə yeni yarışdır və sentyabrdan start götürəcək.

Son yazılar

Yuxarı