Çempionlar Liqasında pley-off cütləri bəlli oldu
30.01.2026 , 16:58
UEFA Çempionlar Liqasının pley-off mərhələsi üzrə püşkatma mərasimi bu gün keçirilib.
Korner.az xəbər verir ki, İsveçrənin Nyon şəhərində təşkil olunan tədbirdə liqa mərhələsini 9–24-cü pillələrdə tamamlayan komandalar iştirak ediblər.
Azərbaycanı turnirdə təmsil edən “Qarabağ” pley-off mərhələsində İngiltərənin “Nyukasl” klubu ilə qarşılaşacaq.
Pley-off mərhələsinin digər cütləri isə belədir:
“Qarabağ” (Azərbaycan) – “Nyukasl” (İngiltərə)
“Monako” (Fransa) – PSJ (Fransa)
“Qalatasaray” (Türkiyə) – “Yuventus” (İtaliya)
“Benfika” (Portuqaliya) – “Real” (İspaniya)
Qeyd edək ki, Çempionlar Liqasının pley-off mərhələsinin ilk oyunları 17–18 fevralda, cavab görüşləri isə 24–25 fevral tarixlərində keçiriləcək.
