İsveçrəli azarkeş Rolf Bantlenin başına maraqlı hadisə gəlib.
Korner.az-ın məlumatına görə, qocaman fanat 11 ildi itkin düşüb.
2004-cü ildə İtaliyanın Milan şəhərinə Çempionlar Liqasında keçirilən “İnter” – “Bazel” matçına baxmağa gedən Bantle evinə qayıda bilməyib. Belə ki, oyunun bitməsinə dəqiqələr qalmış tualetə gedən azarkeş çıxanda onunla birgə gələn dostlarını tapa bilməyib.
Dayanacaqda avtomobilini də tapa bilməyən Bantle üzərində olan 20 avro ilə Milanda yaşamağa qərar verib. Ömrünün 11 ilini burada keçirən isveçrəli azarkeşin təsadüfən vətəndaşlığı məlum olub və səfirlik tərəfindən evinə göndərilib.
