“Qarabağ”ın qapıçısı Fərhad Vəliyev “İmarət” səhifəsinə müsahibə verib:
Korner.az müsahibəni təqdim edir
– Ötən mövsüm digər qapıçı Miro ilə əsas heyəti paylaşdın.Bu sənin performansına nə cür təsir etdi?
– Ümumi götürəndə Miro ilə yarıbayarı oynadıq. İkimiz də stabil çıxış etdik. Buna baxmayaraq, ikimiz də öz formamızı yaxşı saxladıq, komanda üçün əlimizdən gələni etdik. Təbii ki, hər oyunçu birinci heyətdə meydana çıxmaq istəyər. Ancaq, düşünürəm ki, ehtiyatda qalmağım mənə pis təsir etmədi.
– Ötən mövsümdə hansı oyununun yaxşı,hansı oyununun uğursuz yadda qaldığını deyə bilərsən?
– Uğurlu keçirdiyim oyun çox oldu. “Neftçi” ilə kubok qarşılaşmasının ilk matçında uğursuz çıxış etdiyimi düşünürəm. İndi fikirləşəndə AZAL ilə 2:0 oyun yadıma gəlir ki, həmin oyunda üstün performans sərgiləmişdim.
– Avropadakı performansı deyəndə “Visla” ilə oyundakı möhtəşəm qurtarışlar və “Borussiya” ilə oyunda kı uğursuz oyun yada gəlir. Qarşıdan Avroliqa oyunları gəlir. Fərhad bu mübarizəyə nə dərəcədə hazırdır?
– Keçmiş Avroliqa oyunların yada salanda bizim oyunlarımızın komanda baxımından çoxu yaxşı bitib. O vaxtdan bu yana təcrübə baxımından əlbətdəki irəliləyiş var. Bu gün də ancaq biz Avropaya köklənmişik. Bütün komanda ilə birgə uğurları planlayırıq. Mən də psixoloji cəhətdən özümü tam hazır hiss edirəm. Qoy azarkeşlərimiz narahat olmasınlar.
– Sənin üçün ev oyunları ilə,rəqib meydandakı oyunların nə dərəcədə fərqi olur?
– Ev oyunlarında öz azarkeşimiz qarşısında oynayanda daha həvəsli, ruh yüksəkliyi ilə oynayırıq. Əlbəttə bu bizə müsabət təsir edir. Ancaq yaş artdıqca, rəqib meydanda oynasan belə özünü toparlaya bilirsən. Yalnız gənc yaşlarda rəqib meydanlarda həyacan olurdu.
– Azərbaycan çempionatında sənə daha çox çətinlik yaşadan hüçumçu kim olmuşdur?
– Çempionatda qorxduğum hücumçu yoxdur. Bütün hücumçulara eyni cür fikirlə yanaşmışam və oyunda olarkən eyni məsuliyyəti hiss edirəm.
– Klubun heyətinə yeni gənc qapıçılar cəlb olunur.Onlar barədə fikirlərin necədir?
– Potensiallı yoldaşlardır. Çalışıram öz təcrübəmdən də onlarla paylaşam. Ağaseyid gənc qapıçımızdır. Perespektivli və ən əsası həvəsli birdir.İnşallah gələcəkdə bizə çox xeyri dəyəcək.
– Azarkeşlər hər zaman sən qapıda olarkən xilasedici biri olduğuna inanırlar.Həmin azarkeşlərə bir sözün varmı?
– Mənə ümid bəsləyənlərin hər zaman ümidini doğrultmağa çalışıram. Yaxşı gündə, pis gündə bizim yanımızda olublar. Onlara təşəkkürümü bildirirəm. İnşallah dəstəyə davam edərlər və bizim qələbəmizdə pay sahibi olarlar.
