“Çelsi”nin ulduzu “Barselona”ya keçə bilər
24.11.2025 , 23:01
“Barselona” hücum xəttini gücləndirmək üçün “Çelsi”nin portuqaliyalı futbolçusu Pedro Netonu transfer siyahısına daxil edib.
Korner.az xəbər verir ki, klub bu addımı, komandadan ayrılma ehtimalı olan Rafinyanın yerini doldurmaq məqsədilə atır. Məlumata görə, idman direktoru da Netonun oyun tərzini yüksək qiymətləndirir və keçidi dəstəkləyir.
Pedro Netonun London təmsilçisi ilə müqaviləsi 2031-ci ilə qədərdir. Bu mövsüm portuqaliyalı hücumçu 16 oyunda çıxış edərək 4 qol və 2 məhsuldar ötürmə ilə yadda qalıb.
