“Çelsi”nin futbolçusu “Nyukasl”ın hədəfində
17.05.2023 , 20:46
Premyer Liqa təmsilçisi “Nyukasl” mövsümün ikinci yarısını icarə əsasında “Çelsi”də keçirən Joao Feliksi yaxından izləyir.
Korner.az xəbər verir ki, İngiltərə klubu mövsümün sonunda “Atletiko Madrid”ə qayıdacaq portuqaliyalı ulduz üçün 100 milyon avro ödəməyə hazır olduğu bildirilir.
23 yaşlı gənc futbolçu menecerinə Premyer Liqada qalmaq istədiyini və təkliflərə açıq olduğunu çatdırıb.
Digər tərəfdən, “Atletiko Madrid” də Joao Feliksi satmağa hazırdır. Madrid komandası bu satışla 2019-cu ildə Feliks üçün ödənilən 127 milyon avroluq transfer haqqının bir hissəsini kompensasiya etmək istəyir.
Joao Feliks bu mövsüm “Çelsi”nin heyətində 14 matçda 3 qol vurub.
