“Çelsi”də itki – “Qarabağ”la oyunu buraxacaq
17.10.2025 , 14:39
“Çelsi”nin müdafiəçisi Benua Badyaşil ən azı dekabr ayına qədər komandadan kənarda qalacaq.
Korner.az xəbər verir ki, bu barədə London klubunun baş məşqçisi Enzo Mareska məlumat verib.
Mareskanın sözlərinə görə, futbolçunun əzələsində problem var və onun bərpa prosesi davam edir:
“Benua Badyaşil dekabra qədər oynamayacaq. Əzələ problemi səbəbindən məşqlərdə iştirak edə bilmir.”
24 yaşlı fransalı müdafiəçi mövsümün əvvəlində də oxşar zədə səbəbindən komandaya kömək edə bilməmişdi. Sağaldıqdan sonra cəmi üç oyunda meydana çıxan Badyaşil ümumilikdə 147 dəqiqə oynayıb.
“Çelsi” sabah İngiltərə Premyer Liqasının 8-ci turunda səfərdə “Nottingem Forest”lə qarşılaşacaq. Enzo Mareska daha əvvəl komandanın yarımmüdafiəçisi Koul Palmerin də uzun müddət oynamayacağını açıqlamışdı.
Xatırladaq ki, “Çelsi” noyabrın 5-də UEFA Çempionlar Liqasının qrup mərhələsində Bakıda “Qarabağ”la üz-üzə gələcək.
