“Çelsi”də baş məşqçi dəyişikliyi: Mareskanın yerinə kim gəlir?
05.01.2026 , 10:45
Liam Rosenyorun “Çelsi”nin baş məşqçisi təyin olunması gözlənilir.
Korner.az xəbər verir ki, bu barədə insayder Fabritsio Romano məlumay yayıb.
Onun xəbərinə görə, hazırda “Strasburq”a rəhbərlik edən 41 yaşlı mütəxəssis artıq İngiltərəyə gəlib.
Məlumatda bildirilir ki, Rosenyor Londonda “zadəganlar”ın rəhbərliyi ilə görüş keçirəcək və yaxın 24 saat ərzində yekun razılıq əldə olunacaq. Onun həftənin sonuna qədər rəsmi olaraq “Çelsi”nin baş məşqçisi elan ediləcəyi gözlənilir.
Bu səbəbdən Fransa Liqa 1 təmsilçisi “Strasburq” artıq yeni baş məşqçi axtarışlarına başlayıb.
