“Çelsi” və “Arsenal”ın hədəfi: Murilyo
24.11.2025 , 16:41
“Çelsi” və “Arsenal” “Nottingem Forest”in müdafiəçisi Murilyonu transfer etməkdə maraqlıdır.
Korner.az xarici KİV-ə istinadən xəbər verir ki, “Nottingem Forest” rəhbərliyi mövsümün ortasında əsas oyunçusunu satmaq fikrində deyil. Bununla belə, klub 80–90 milyon avroluq təklif daxil olacağı təqdirdə braziliyalı müdafiəçinin transferini dəyərləndirə bilər.
Murilyonun hazırkı müqaviləsi 30 iyun 2029-cu ilədək qüvvədədir. “Transfermarkt” portalı 23 yaşlı futbolçunun dəyərini 55 milyon avro olaraq qiymətləndirir.
Qeyd edək ki, Murilyo cari mövsümdə “Nottingem Forest”lə 12 rəsmi oyuna çıxıb və 1 qola imza atıb. O, Braziliya milli komandasının üzvüdür.
