“Çelsi” Rahim Sterlinqlə yollarını ayırır
28.01.2026 , 12:45
İngiltərənin “Çelsi” klubu təcrübəli yarımmüdafiəçisi Rahim Sterlinqlə əməkdaşlığı dayandırmağa hazırlaşır.
Korner.az xəbər verir ki, bu barədə xarici KİV məlumat yayıb.
Xəbərdə bildirilir ki, 31 yaşlı futbolçunun klubu ilə müqaviləsinin 2027-ci ilin iyununa qədər müddəti olsa da, yanvar ayında tərəflər arasında danışıqlar aparılır və keçidin qış transfer pəncərəsi bitməmiş rəsmiləşəcəyi gözlənilir.
Sterlinq cari mövsümdə əsas komandada iştirak etməyib və məşqləri ayrıca keçir.
Qeyd edək ki, o, ötən mövsümü “Arsenal”da icarə əsasında keçirmişdi.
