“Çelsi” Koul Palmerin zədəsi ilə sarsıldı
17.10.2025 , 19:25
“Çelsi”nin yarımmüdafiəçisi Koul Palmer zədə səbəbindən təxminən altı həftə meydanlardan uzaq qalacaq.
Korner.az xəbər verir ki, 23 yaşlı futbolçu aşağı qarın nahiyəsində problem yaşayıb. Bu barədə klubun baş məşqçisi Enzo Mareska məlumat verib:
“Palmerin noyabrda qayıdacağını düşünürdüm, amma təəssüf ki, səhv etmişəm. Ona hələ altı həftə vaxt lazımdır. Əməliyyat keçirilməyəcək, sadəcə onu mümkün qədər qorumağa çalışırıq. Tibb heyətimiz əlindən gələni edir. Ümid edirik ki, altı həftəlik fasilə bərpa üçün kifayət edəcək”.
Palmer bu mövsüm “Çelsi”nin heyətində 4 oyuna çıxıb, 2 dəfə fərqlənib.
London təmsilçisi növbəti matçını oktyabrın 18-də “Nottingem Forest”ə qarşı keçirəcək. “Çelsi” həmçinin UEFA Çempionlar Liqasında “Qarabağ”la eyni qrupda yer alıb. Komandalar noyabrın 5-də Bakıda qarşılaşacaqlar.
