“Çelsi” keçmiş futbolçusunu geri qaytarır
13.08.2024 , 21:22
“Çelsi” keçmiş futbolçusu Joao Feliksi gündəminə gətirib.
Korner.az xəbər verir ki, London klubu “Atletiko Madrid”dən 24 yaşlı ulduzu heyətinə qatmaq istəyir.
“Çelsi” futbolçu üçün Madrid təmsilçisinə 65 milyon avro təklif edib.
İngiltərə nəhəngi 35 milyon avronu əvvəlcədən, qalan 30 milyon avronu isə gələcəkdə ödəmək istəyir.
Hər iki klub arasında danışıqlar davam etsə də, onlar arasında hələlik razılıq əldə olunmayıb.
Futbolçu 2022/23 mövsümündə icarə əsasında “Çelsi”nin formasını geyinib. Portuqaliyalı futbolçu London nəhəngində 20 matçda 4 qol vurub.
Mina Musayeva
