“Arsenal”ın futbolçusu Cek Uilşir klubla olan müqavilə müddəti bu yay başa çatacağı üçün komandanı tərk edə bilər. Bu barədə Eurosport nəşri məlumat verib.
“Topçular” ingilis futbolçuya yeni müqavilə təklif etməyib. Londonlular Uilşirə hal-hazırda aldığı məvacib qədər olan saziş şərtləri təklif etmək fikrində deyil. Bu isə yarımmüdafiəçini qane etmir. Belə olduqda, futbolçu gələn təkliflərə baxmalı olacaq.
“Everton” klubu Uilşirin maliyyə istəyini qarşılayacaq şərtləri olan müqavilə təklif etməyi düşünür. “Arsenal” gənc oyunçuya yeni təklif etməsə, haqqında danışılan transfer mövsüm sonunda baş tutacaq.
“Arsenal”ın keçmiş oyunçusu Teo Uolkot da hazırda “Everton”un şərəfini qoruyur
