Bu gün futbol üzrə Azərbaycan Premyer Liqasında XVI tura start verilib. Tur çərçivəsində “Sumqayıt”ın qonağı olan “Neftçi” səfərdən əliboş qayıtdı: 2-0.
Oyundan sonra “Sumqayıt”ın futbolçusu Cavid İmamverdiyev jurnalistlərin suallarını cavablandırıb.
–Belə düşünürəm ki, çox istədiyimizə görə biz qalib gəldik. Məqamlardan istifadə edə bildik. “Neftçi”dən xal almaq bizim üçün böyük uğurdur.
-Keçmiş komandana qarşı oynadın. Prinsipiallıq var idimi?
-Belə bir şey ola bilməzdi. Daha çox özümü göstərmək istəyirdim. İlk olaraq komandamı düşünürdüm əlbəttə. Onların xeyrinə olsun istəyirdim.
-“Neftçi”nin prezidenti ilə bağlı nə deyə bilərsən?
-Xeyirlisi olsun, Allah hamının yolunu açıq eləsin.
