Canni İnfantino: “Trampın enerjisi və xarakteri heyranedicidir”
06.11.2025 , 16:00
FİFA-nın prezidenti Canni İnfantino ABŞ-ın sabiq prezidenti Donald Tramp barədə fikirlərini bölüşüb və onun yeni təsis edilmiş “FİFA Sülh Mükafatı”na namizədliyi ilə bağlı şərh verib.
Korner.az xəbər verir ki, İnfantino Trampla münasibətlərinin çox yaxşı olduğunu bildirib:
“Dekabrın 5-də görəcəksiniz. Mən çox şanslıyam. Prezident Trampla münasibətlərim çox yaxşıdır, onu özümə yaxın dost hesab edirəm. O, dünya çempionatı ilə bağlı bütün işlərimizdə bizə böyük dəstək verib”.
FİFA rəhbəri Trampın enerjisinə və xarakterinə heyran olduğunu da vurğulayıb:
“Onda inanılmaz enerji var. Bu, mənim doğrudan da heyran olduğum cəhətdir. O, dediyini edir və düşündüyünü açıq şəkildə bildirir. Bir çoxunun deməyə cəsarət etmədiyini o deyir. Buna görə də, o, çox uğurludur”.
Qeyd edək ki, FİFA yaxınlarda yeni “FİFA Sülh Mükafatı – Futbol dünyanı birləşdirir” adlı mükafatın təsis olunduğunu açıqlayıb. Mükafat dekabrın 5-də təqdim ediləcək.
