Türkiyə millisinin üzvü Hakan Çalhanoğlu ölkəsinin idman mətbuatını ifşa edəcək açıqlamalar verib.
Korner.az-ın məlumatına görə, “Fanatik” nəşri “Bayer”in futbolçusu Hakan Çalhanoğludan aldığı açıqlamanı yayıb.
Ancaq sonradan məlum olub ki, açıqlama uydurmadı. Saytın yaydığı açıqlamada Hakan deyir:
“Jurnalistlər bir ayda beş dəfə məni ayrı-ayrı klublara göndərirlər. Allah etsin ki, növbəti mövsümdə “Çelsi”də oynayım. Ancaq başqa variantlar da var”.
22 yaşlı yarımmüdafiəçi isə “twitter” hesabında məsələylə bağlı açıqlama verib:
“Mən mətbuata “Çelsi” barədə heç nə deməmişəm. Heç bir türk jurnalistə müsahibə verməmişəm. Nə məhkəmənin qərarı, nə də gələcək karyeramla bağlı”.
