Cənubi koreyalı forvard “Beşiktaş”a keçdi
05.02.2026 , 16:33
Türkiyənin “Beşiktaş” klubu heyətinə yeni hücumçu cəlb edib.
Korner.az xəbər verir ki, İstanbul təmsilçisi Belçikanın “Genk” klubundan cənubi koreyalı futbolçu O Hyon Qyunu transfer edib.
Bu barədə klubun mətbuat xidməti məlumat yayıb.
“Beşiktaş” bu transfer üçün qarşı tərəfə 14 milyon avro ödəyəcək. 24 yaşlı forvardla 2029-cu ilin yayına qədər nəzərdə tutulan müqavilə bağlanıb.
Cənubi Koreya millisinin üzvü cari mövsümdə “Genk” forması ilə 32 rəsmi oyunda meydana çıxaraq 10 qol və 3 assistlə yadda qalıb.
