“Azərbaycan yığması hazırda inkişafdadır. İndiyə kimi bir neçə yaxşı nəticəyə imza atmışıq”.
Korner.az-ın məlumatına görə, bu sözləri Azərbaycan millisinin baş məşqçisi Robert Prosineçki Xorvatiya mətbuatına açıqlamasında deyib.
47 yaşlı mütəxəssis yığmamızın “DÇ-2018″in seçmə mərhələsində rəqiblərinə başağrısı olacağını bildirib:
“Ümid edirəm ki, Azərbaycan millisi növbəti seçmə mərhələdə bütün komandalar üçün çətin rəqib olacaq. Əsas məqsədimiz də elə budur. Rusiyada keçiriləcək dünya çempionatının final mərhələsinə vəsiqə qazanacağımızı söyləmək çətindir. Bu mövzu haqda çox danışa bilərəm. Ancaq ümumilikdə hər şey o qədər də pis deyil”.
