Milli komandaların oyunları ilə əlaqədar yaranan fasilədən sonra Azərbaycan Premyer Liqasında VIII turun oyunları keçirilib.
Korner.az-ın məlumatına görə, bazar günü “Bakı” səfərdə “Xəzər Lənkəran”ın qonağı olacaq. Cənunblularla qarşılaşmaya hazırlıqları yekunlaşdıran İbrahim Uzuncanın yetirmələri bu gün Lənkərana yola düşüb.
Qarşılaşma ilə bağlı bəzi futbolçular klubun rəsmi saytına açıqlama verib. Futbolçular oyundan nikbin danışıb. Nurlan Novruzov isə “Bakı” azrkeşlərinə qol sözü də verib.
Vüqar Bəybalayev: “Xəzər Lənkəran” güclü oyunçulardan təşkil olunmuş komandadı. Bizim də gənclər və təcrübəlilərin vəhdətindən yaradılmış əzmkar kollektivimiz var. “Xəzər Lənkəran”la oyunun asan olmayacağını dərk edirik. Biz oraya yalnız və yalnız xal almaq üçün gedəcəyik. İnşallah qələbə qazanan tərəf biz olarıq”.
Tural Qürbətov: “Bildiyiniz kimi iki həftədir ki, oyuna hazirlaşırıq, təlim-məşq toplanışındayıq. Ciddi hazırlaşmışıq. İnanıram ki, zəhmətimizin nəticəsini görəcəyik. Uşaqlarmız bu oyunu səbirsizliklə gözləyir. Rəqibi udmaq bizim üçün çox vacibdir. Qalib gəlməklə trnir cədvəlində bir neçə pillə irəliləyə bilərik. İnşallah bu tapşırığın öhdəsindən gələrik”.
Nurlan Novruzov: “Rəqib Azərbaycanın böyük klublarından biridi, bu oyuna ciddi hazırlaşmışıq. İnşallah istədiyimiz oyunu göstərib səfərdən qələbə ilə qayıdarıq. Elavə edim ki, bütün “Bakı” azarkeşlərinə qol söz verirəm. Onu da qeyd edim ki, mən və komanda üçün vacib olan 3 xaldir”.(klub saytı)
