Serxio Buskets “Barselona” tarixində ən çox oyun keçirən futbolçular sırasına daxil olub.
Korner.az-ın məlumatına görə, 28 yaşlı yarımmüdafiəçinin aktivində 406 oyun var.
O, bu nəticə ilə ilk onluğa düşməyi bacarıb. Belə ki, ilk dəfə 2008-ci ildə debüt edən Buskets İspaniya çempionatında 261, Çempionlar Liqasında 81 dəfə forma geyinib. O, “Barselona” ilə birgə klub səviyyəsində 24 kuboku başı üzərinə qaldırıb.
Xatırladaq ki, klub tarixində ən çox forma geyinmiş futbolçu isə Xavi Hernandezdir.Onun hesabında 767 oyun var. İkinci yerdə 607 oyunla Andres İnyesta, üçüncü pillədə isə 593 matçla Karles Puyol qərarlaşıb. “Barselona” forması ilə 552 dəfə meydana çıxan argentinalı ulduz Lionel Messi isə 4cü pillədə qərarlaşıb
