Türkiyə Super Liqasında mübarizə aparan “Bursaspor” klubunun qapıçısı Harun Tekin komandadan ayrılmaq istəyir.
Korner.az-ın məlumatına görə, bu haqda “Yeni Şafak” xəbər yayıb.
Bildirilir ki, qapıçı digər Türkiyə klubu “Fənərbağça”ya keçə bilər.
Qeyd edək, bir neçə gün əvvəl “Kasımpaşa”ya 4-0 hesablı məğlubiyyətdən sonra azarkeşlər “Bursaspor”un futbolçularının olduğu avtobusa hücum etmişdilər. Həmin hadisədə ən çox xəsarət alan oyunçu Harun Tekin olmuşdu.
Xatırladaq ki, 6 mövsümdür “Bursaspor”un şərəfini qoruyan qapıçı komandanın heyətində 105 oyunda iştirak edib.
