Bu klub yarışlardan kənarlaşdırıldı
12.07.2024 , 21:58
“İrəvan” Futbol Klubu AFFA bayrağı altında keçirilən yarışlardan kənarlaşdırılıb.
Korner.az xəbər verir ki, bu barədə AFFA-nın İcraiyyə Komitəsinin bugünkü iclasında qərar qəbul edilib.
İcraiyyə Komitəsi 1-ci və 2-ci Liqadakı mövcud vəziyyəti müzakirə edib. “İrəvan” FK-nın bir neçə futbolçusunun danışılmış oyunlarda iştirakı etməsi, eləcə də, maliyyə öhdəliklərini yerinə yetirməməsi səbəbindən klub AFFA bayrağı altında keçirilən yarışlardan kənarlaşdırılıb.
Bildirilib ki, AFFA bu cür neqativ hallara qarşı ciddi mübarizəsini bundan sonra da davam etdirəcək.
Qeyd edək ki, “İrəvan” 2023/24 mövsümündə Azərbaycan 1-ci liqasında mübarizə aparıb. Mayın 29-da isə Peşəkar Futbol Liqası sözügedən klubun 1-ci liqadan kənarlaşdırıldığını açıqlamışdı.
